Фонтын хэмжээ a a a

дэвсгэр өнгө A A A A

COVID-19(新型コロナウィルス感染症)の予防・感染拡大の防止のために【感染経路】飛沫感染・接触感染【行うべきこと】マスク着用・手指洗い【回避すべきこと(3密)】密閉・密集・密接

COVID-19(Шинэ коронавируст халдвар)-өөс сэргийлэх, халдвар тархахаас хамгаалахын төлөө

COVID-19 нь коронавирусээр(SARS - CoV-2) үүссэн халдварт өвчин бөгөөд голдуу бие халуурах, ханиалгах зэрэг шинж тэмдэг илэрдэг. Ихэнх нь агаар дусал эсвэл гар, эд зүйлсээр дамждаг. Та дараах зүйлсийг анхааран сахина уу. Шинж тэмдэг илрэхээс өмнө өвчин тархах магадлалтай гэсэн онол байдаг бөгөөд хүн хоорондын зайгаа барих (Social distancing: Нийгмийн харилцаанд зай барих) болон гадуур явахдаа амны хаалт зүүх гэх мэт халдварт өвчний эсрэг ерөнхий арга хэмжээг байнга авч байх нь чухал юм.

Өдөр тутмын амьдралдаа юунд анхаарах вэ?

Та дараах зүйлсийг анхааран, сахина уу.

  • Шаардлагагүй тохиолдолд гэрээсээ гарахгүй байх

  • Гараа угаах

  • Ханиах үеийн дэглэм

  • Агааржуулалт

  • Задгай биш, хумигдмал орон зайнаас зайлсхийх

  • Зай завсаргүй олон хүнтэй газраас зайлсхийх

  • Залгаа, зай барих боломжгүй нөхцөлөөс зайлсхийх

COVID-19 ба бусад халдварт өвчнөөс сэргийлэх үндсэн арга нь “гар хуруугаа угаах” болон “амны хаалт зүүх зэрэг ханиалгах үеийн дэглэм”-ийг баримтлах юм.
Тархалт үүсгэх нийтлэг хүчин зүйл нь “Задгай биш, битүү”, “Зай завсаргүй газар, олон хүн цугларч цагийг өнгөрөөх”, “Залгаа газар, тодорхойгүй олон тооны хүн ойр хавьтах эрсдэл өндөртэй” буюу гурван “З” юм. Битүү газар, олон хүний цугларах орон зайд олуулаа бөөгнөрөлдөхөөс зайлсхийнэ үү. Дээрх гурван “З”-г нойллохыг зорицгооё.

Коронавирусийн шинжилгээний хариу эерэг гарсан хүнтэй ойр хавьтсан эсэхийг мэдэх зорилготой “COVID-19 Contact-Confirming Application” (”COCOA”) утасны аппликэйшнийг ашиглана уу.

COCOA нь шинэ коронавирусийн хавьтлыг магадлах аппликэйшн юм. Энэхүү апп нь тухайн хэрэглэгчийн зөвшөөрлийг үндэслэн, ухаалаг утасны Bluetooth сүлжээг ашиглаж, хувийн нууцаа харилцан хамгаалан, COVID-19 халдварын шинжилгээний хариу эерэг гарсан хүнтэй ойр байсан эсэхийн мэдээлэл авч болно. Хэрэглэгч нь шинжилгээний хариу эерэг гарсан хүнтэй ойр хавьтсан эсэхээ мэдсэнээр шинжилгээ өгөх гэх мэт эрүүл мэндийн газрын тусламжийг шуурхай авах боломжтой. Олон хэрэглэгчтэй болсноор халдвар тархахаас сэргийлэх найдвартай хэрэгсэл болно. App Store эсвэл Google Play дээр “хавьтлыг магадлах аппликэйшн” хэмээн хайж, ухаалаг утсандаа татна уу.

Бие халуурах гэх мэт ханиадны шинж тэмдэг илэрсэн үед сургууль, ажилдаа явахгүйгээр гэртээ үлдэж, өдөр бүр халуунаа хэмжиж тэмдэглэнэ үү.

COVID-19-ийн тухай мэддэг хэлээрээ мэдээлэл авах боломжтой юу?

Ямар мэдээлэл авах, хаанаас, ямар хэлээр асуух гэх мэтээс шалтгаалан лавлаж асууна уу.

Гадаадын зочин: Японы Үндэсний Аялал Жуулчлалын Байгууллагын (JNTO) “Japan Visitor Hotline”(Гадаад хэл дээрх лавлах төв)

電話番号

050‐3816‐2787

(Япон, Англи, Хятад, Солонгос)

Шинэ мэдээллийг дараах цахим хуудаснаас үзэх боломжтой. (Зөвхөн “Хялбаршуулсан Япон хэл”, Англи хэл, Хятадын хялбаршуулсан бичиглэл)

COVID-19-ийн сэжигтэй бол яах вэ?

Эрүүл мэндийн байгууллагад яаран очихгүйгээр, юуны түрүүнд “Үзүүлэх зөвлөгөө авах төв”(Бүс нутаг бүрд өөр өөр нэртэй байж болно)-д холбоо барина уу.

* Шинжилгээ өгөх эсэхийг тухайн нөхцөл байдлаас шалтгаалан эмч шийдэх болно.

  • Багадаа дараах нөхцөлийн аль нэг шинж тэмдэг илэрч байвал холбоо барьж зөвлөгөө авна уу.

    • Амьсгал давчдах, ядарч сульдах, өндөр халуурах зэрэг шинж тэмдгийн аль нэг нь хүчтэй илэрч байвал. Шинж тэмдгийн илрэх байдал нь хүн бүрд өөр өөр байдаг тул хүчтэй илэрч байвал шууд холбоо барина уу.

    • Хүндээр өвчлөх магадлал өндөртэй* хүнд бие халуурах, ханиалгах зэрэг харьцангуй хөнгөн ханиадны шинж тэмдэг илэрч байвал.

    • Өндөр настан

    • Чихрийн шижин, зүрхний дутагдал, амьсгалын эрхтний өвчин(Уушгины архаг бөглөрөлтөт өвчин гэх мэт) зэрэг архаг хууч өвчтэй хүн

    • Диализ эмчилгээнд орж байгаа хүн

    • Дархлаа дарангуйлагч эм бэлдмэл, хорт хавдрын эсрэг эм тариа гэх мэтийг хэрэглэдэг хүн

  • Дээр дурдсанаас гадна бие халуурах, ханиалгах зэрэг харьцангуй хөнгөн ханиадны шинж тэмдэг олон хоногоор үргэлжлэх тохиолдолд. Шинж тэмдгийн илрэх байдал нь хүн бүрд өөр өөр байдаг тул хүчтэй илэрч байвал шууд холбоо барина уу. 4 хоногоос илүү хугацаагаар үргэлжилж байвал заавал холбоо барина уу. Мөн халуун бууруулах эмийг үргэлжлүүлэн хэрэглэж байгаа бол заавал холбоо барина уу.

  • Жирэмсэн эхчүүд нь болгоомжилж, хүндээр өвчлөх магадлал өндөртэй хүмүүстэй ижилхэн, үзүүлэх зөвлөгөө авах төв гэх мэтэд эртхэн холбоо барина уу. Бага насны хүүхдүүд нь хүүхдийн эмчид үзүүлэхийг зөвлөж байна. Үүний тулд үзүүлэх зөвлөгөө авах төв юмуу хүүхдийн өрхийн эрүүл мэндийн байгууллагад утсаар холбогдоно уу.

Зөвлөгөө авахдаа “Үзүүлэх зөвлөгөө авах төв”-өөс гадна бүс нутгийн зарим эмч нарын холбоо болон эмнэлгүүдэд хандаж болно.
Хот, дүүргийн засаг захиргаа, өөртөө хамгийн ойр эрүүл мэндийн газар, хорио цээрийн газар гэх мэтээс заасан зүйл байвал түүнийг мөрдөнө үү.

“Үзүүлэх зөвлөгөө авах төв” гэх мэтэд хандсаны дараа яах вэ?

Ерөнхийдөө доор заасан дарааллыг дагаж болно. Энэхүү дараалал нь бүс нутаг бүрд өөр өөр байж болно.

“Үзүүлэх зөвлөгөө авах төв” нь COVID-19 халдварт өвчний сэжигтэй хүмүүст зөвлөгөө өгч байна.
Дээрх төвд асуусан зүйлээс шалтгаалан тус халдварт өвчний сэжигтэй хэмээн дүгнэлт гаргасан тохиолдолд тухайн хүнд зохих үзлэг хийх “Үзүүлэх зөвлөгөө авах төв”-д үзүүлэхээр зохицуулдаг. Мужуудын нийтэлж буй үзүүлэх зөвлөгөө авах төвийн нүүр хуудаснуудыг жагсаалт болгосон тул зөвлөгөө авах үедээ хамгийн ойрхон төв рүү холбоо барина уу.

COVID-19-ийн сэжигтэйгээр эмнэлэг, эрүүл мэндийн байгууллагад үзүүлэхээр болбол юунд анхаарах вэ?

Эмчид үзүүлэх үед доорх зүйлсийг анхаарна уу.
Олон эрүүл мэндийн байгууллагад очсоноос болж халдвар тархсан тохиолдол гарсан тул эмчийн зөвлөгөөгүйгээр олон эмнэлэг болон эрүүл мэндийн байгууллагад нэгэн зэрэг үзүүлэхээс татгалзана уу.

Эрүүл мэндийн байгууллагад үзүүлэх үед амны хаалт зүүж, гараа савандаж угаах, “ханиах үеийн дэглэм”*-ийг анхааран баримтална уу.

*Ханиах, найтаах үедээ амны хаалт, салфетка, нусны алчуур юмуу эсвэл цамцны ханцуй, тохойгоороо ам, хамраа таглах.